[உபுண்டு_தமிழ்][கருத்துக்கள்] "Re: ஏன் திறந்த மென்பொருட்கள் கட்டற்ற மென்பொருட்களாகா?"

[மு.மயூரன் | M.Mauran]

சேது, ஆமாச்சு,

1.

முன்னுரிமை கொடுத்து மொழிபெயர்க்கப்பட வேண்டியவை  என்று ஸ்டால்மன்
பரிந்துரைத்திருக்கும் கட்டுரைகள் எவை என அறிய ஆவல். அந்த பக்கத்தின் முகவரியை
தரவும். நானும் சிலவற்றை மொழிபெயர்க்கலாம்.

2.

//எந்தவொரு ஆங்கிலச் சொல்லிற்கும் நேரடியாகச் சொல்லாக்குவதே நாள்பட
நிலைக்கும்.//

என்ற இராம கி இன் கருத்தோடு என்னால் உடன்பட முடியாது. இதற்கு வேறு பல அறிஞர்கள்
வேறு வகையான கருத்துக்களை கொண்டிருக்கிறார்கள். கருத்துமோதல்
நிகழ்ந்துகொண்டிருக்கிறது. இராம கி. நான் மிகவும் மதிக்கும் சொல்லாக்குநர்.
ஆனால் அவரது இந்த கருத்தை வேதவாக்காக எடுத்துக்கொள்ள தேவையில்லை.

3.

ஆங்கிலத்தில் free என்ற சொல்லை பயன்படுத்தப்போய்த்தான் ஏராளம் குழப்பங்கள்
ஏற்பட்டது. ஸ்டால்மனும் ஊரூராய்ப்போய் ஒவ்வொரு பேச்சிலும் free என்றாக சும்மா
என்று இல்லை. அது விடுதலையோடு சம்பந்தப்பட்டது என்று தலையாய்
அடித்துக்கொள்கிறார். free என்பதன் அர்த்தம் பெரியது என்ற concept இனை
விளங்கப்படுத்தவே அவருக்கு பேச்சில் கால்வாசி நேரம் தேவைப்படுகிறது. அவரது
பேச்சுக்களை கேட்டிருந்தால் இது புரியும்.

இந்த free என்ற குழப்பகரமான சொல்லால் அவருக்கு செலவாகும் சக்தியும் நேரமும்
எவ்வளவு?

தமிழில் இந்த பிரச்சினையை நாம் "கட்டற்ற" என்ற சொல் மூலம் இலகுவாக
தீர்த்துக்கொண்டிருக்கிறோம்.

முன்பு தளையறு மென்பொருள் என்றே பயன்படுத்தி வந்தோம். ஆனால் அது மிகவும்
விளக்கக்குறைவை ஏற்படுத்துவதால் இலகுவாக விளங்கும்படி கட்டற்ற என்று
பயன்படுத்தத்தொடங்கினோம்.

கட்டுக்கள் இல்லாத என்ற மிகத்தெளிவான அர்த்தம் கிடைக்கிறது. இதைத்தான்
மணிக்கணக்கில் ஸ்டால்மன் பேச்சில் விளங்கப்படுத்த முனைகிறார். எந்த ஒரு
கட்டுத்தளையும் அற்ற மென்பொருள்.

அத்தோடு கட்டற்ற மென்பொருளை விலைக்கும் விற்க முடியும்.

சுதந்திரம் என்ற சொல்லை பயன்படுத்த முடியாமைக்கு சில காரணங்கள் உண்டு. அதில்
மிகவும் உணர்வுபூர்வமான காரணம் அது சமஸ்கிருத அடிச்சொல் என்பது.

பிரான்சில் FOSS என்பதற்கு பதிலாக அவர்கள் FLOSS என்று பயன்படுத்துவதே free
என்ற வார்த்தையின் போதாமையால்தான். இடையில் Libre என்று அவர்கள்
போட்டாகவேண்டியிருக்கிறது.

opensource - திறந்த மூலம்
opensource software - திறந்த மூல மென்பொருள்
freesoftware - கட்டற்ற மென்பொருள்

என்ற பயன்பாடு பொருத்தமானதே.

FOSS இனை கட்டற்ற மற்றும் திறந்த மூல மென்பொருட்கள் என சொல்கிறோம்.



-மு.மயூரன்
-------------- next part --------------
An HTML attachment was scrubbed...
URL: https://lists.ubuntu.com/archives/ubuntu-l10n-tam/attachments/20070220/15bcaf69/attachment.htm