[Tradutores-Ubuntu] Cambios na coordinación do equipo

[Felipe Gil-Castiñeira]

Boas,

Como xa comentara hai meses, cada vez me queda menos tempo libre polo
que a miña actividade na tradución de Ubuntu é moi baixa. X a no seu día
decidíramos compartir a coordinación entre Miguel Bouzada, Fran Diéguez
e eu mesmo. Seguindo con ese proceso eu vou deixar coordinación, e
paréceme un bo momento para definir claramente as funcións de cada un.

A miña proposta é que Miguel se encargue da coordinación das traducións
e que Fran leve as relacións con Canonical/Ubuntu. Por suposto, a
decisión non é nin ten que ser miña, senón que se ten que tomar no
grupo. Podemos quedar o próximo martes ás 19:00 (ou noutro momento que
se decida na lista) na canle #ubuntu-gal do IRC.

Un saúdo!
Felipe.