[Tradutores-Ubuntu] Re: Welcome to the "Ubuntu-l10n-gl" mailing list

[lbarcala at freeresearch.org]

Ola:

  Son Mario Barcala, e quería enviar unhas primeiras reflexións.

> Mandarei axinha un correo para discutir as normas do grupo. Polo momento:
>
>         - Utilizaremos as "Normas ortograficas e morfoloxicas do idioma
> galego",
>         aprobadas o 12 de xullo de 2003 pola Real Academia Galega e
> actualmente en
>         vigor: http://gl.wikipedia.org/wiki/Normativa_oficial_do_galego.
>

Paréceme perfecto.


>         - Ata que tenhamos consensuada unha guia de estilo usaremos a do
> "Grupo
>         Trasno": http://www.trasno.net/axuda/estilo.php
>

Quero transmitir que o único que non me gusta das normas do proxecto
trasno é que cada autor pode elixir entre as diferentes variantes que
están dentro da normativa. Eu sinceramente creo que sería unha boa
política seguir sempre
as recomendacións da mesma (ao frente a ó, terminación en bel frente a
terminación en ble). É certo que a normativa nalgúns casos dá varias
alternativas, pero tamén soe dar recomendacións. É nestes casos nos que
creo que sería útil seguir estas recomendacións, gañando tamén
homoxeneidade.

>         - Coordenaremonos cos outros grupos de traducion ao galego
> (Trasno,
>         Galego21,...) para non duplicar traballo.
>

Isto é moi importante. Xa vin que, en principio, as traducións faranse a
través do Launchpath, pero ás veces o cambio dun arquivo de traducións
tradicional é máis rápido. Deberíamos ver cal pode ser o mellor método
para aproveitar as traducións xa feitas tanto noutros sitios como para
outras versións de software. Non sei cómo o launchpath contempla esta
casuística.

Un saúdo,

  Mario Barcala