தொடர்ச்சி...<br><br>1960&nbsp; களில் உட்குழு பூசல்களுக்கு சில அடிப்படைவாதக் குழுக்கள் புகழ் பெற்றிருந்தன.&nbsp; திட்டமிட்டபடி செயல்படுத்துவதில் இருந்த&nbsp; முரண்பாடுகள் காரணமாக சில ஸ்தாபனங்கள் உடைந்தன. ஒருமித்த தார்மீகங்களையும் லட்சியங்களையும் கொண்ட சோதர அமைப்புகளும் கூட தங்களுக்குள் பகைமை&nbsp; பாராட்டிக் கொண்டன. இடது அணிகளை&nbsp; குறைகூறுவதற்கு இவற்றைப்&nbsp; பயன்படுத்தி&nbsp; இதனை அதிகம் வளர்த்தது வலது அணிகள் தான். 
<br><br>இவற்றோடு ஒப்பிட்டு சிலர் கட்டற்ற மென்பொருள் இயக்கத்தினை&nbsp; மட்டம் தட்ட முயற்சி செய்கிறார்கள். திறந்த மென்பொருளாளர்களின் முரண்பாடுகளை&nbsp; இவர்கள் அந்த அடிப்படைவாதக் குழுக்களோடு ஒப்பிடுகிறார்கள். அவர்கள் பின்னோக்கி செல்கிறார்கள். நாம் திறந்த மூல ஆதரவாளர்களோடு அடிப்படை தார்மீகங்களிலும் லட்சியங்களிலும் மாறுபடுகின்றோம். ஆனால் அவர்களுடைய எண்ணங்களும் நம்முடையதும் பெரும்பாலான சந்தர்ப்பங்களில் கட்டற்ற மென்பொருள் உருவாக்கம் போன்ற&nbsp; ஒரே&nbsp; நடைமுறை&nbsp; சாத்தியக் கூறுகளுக்கே இட்டுச் செல்கின்றன.
<br><br>இதன் விளைவு,&nbsp; மென்பொருள் உருவாக்கம் போன்ற பொதுவானத் திட்டங்களில் கட்டற்ற மென்பொருள் இயக்கத்தினரும் திறந்த மூல மென்பொருள் இயக்கத்தினரும் ஒருங்கிணைந்து பணியாற்றுகிறார்கள். இங்ஙனம் வெவ்வேறு தார்மீகங்களை&nbsp; கொண்டு விளங்குகிற குழுக்கள் பலரதரப்பட்ட மக்களுக்கும் ஊக்கமளித்து ஒரேவிதமான&nbsp; திட்டங்களில் பங்கேற்பது என்பது குறிப்பிடத்தக்கது.&nbsp; ஆனாலும் அணுகுமுறைகள் வேறுபட்டு&nbsp; விளங்குவதால் சில சந்தர்ப்பங்களில் முற்றிலும் மாறுபட்ட செயற்பாடுகளுக்கு இவை இட்டுச் செல்கின்றன.
<br><br>மென்பொருள்களின் மூல நிரல்களை&nbsp; மாற்றி&nbsp; விநியோகிக்கக் கூடிய உரிமையை&nbsp; பயனர்களுக்கு தருவதின் மூலம் மென்பொருளினை&nbsp; வலுவுடையதாகவும் நம்பகத்தன்மையுடையதாகவும் ஆக்குவதே திறந்த முலத்தின் அடிப்படை&nbsp; சிந்தனை. தனியுரிம பென்பொருட்களை&nbsp; உருவாக்குபவர்கள் என்ன திறமை குறைந்தவர்களா!&nbsp; சில சந்தர்பங்களில் வலிமையும் நம்பகத்தன்மையும் வாய்ந்த மென்பொருட்களை&nbsp; அவர்களும் உருவாக்குகிறார்கள்.&nbsp; ஆனால் அவை&nbsp; பயனர்களின் சுதந்திரத்திற்கு மதிப்பளிப்பது இல்லை. இதனை&nbsp; கட்டற்ற மென்பொருளாளர்களும் திறந்த மூல மென்பொருளாளர்களும் எங்ஙனம் எதிர்கொள்வது?
<br><br>தொடரும்...<br><br>-- <br>அன்புடன்,<br>ஆமாச்சு.<br><a href="http://aamachu.blogspot.com">http://aamachu.blogspot.com</a><br><br>சொல்லில் உயர்வு தமிழ்ச் சொல்லே -&nbsp;&nbsp;அதைத்<br>தொழுது படித்திடடி பாப்பா<br>செல்வம் நிறைந்தஹிந்து ஸ்தானம் - அதைத்
<br>தினமும் புகழ்ந்திடடி பாப்பா