[Ubuntu_Tamil] விக்கி தளத்துக்கான ஆலோசனைகள்

மு.மயூரன் mmauran at gmail.com
Tue Oct 3 19:23:36 BST 2006


ரவி,

உங்கள் விசைப்பலகை பிரச்சனைக்கு தீர்வு கண்டாகிவிட்டது.
உபுண்டுவில் நிறுவுவதற்காக (எளிமையாக) டெபியன் பொதிகளை
தயாரித்துக்கொண்டிருக்கிறேன்.
இன்னமும் 15 நிமிடங்களுள் அனைத்தையும் மடலாடற்குழுவிற்கு அனுப்பிவைக்கிறேன்

மு.மயூரன்

On 10/3/06, Ravi shankar <ravidreams_03 at yahoo.com> wrote:
>
> தமிழ் உபுண்டு பயனர்களுக்கு தரப்பட வேண்டிய முக்கியமான விக்கி உதவிக்
> குறிப்புகள்:
>
> 1. உபுண்டு நிறுவல் பொதியை எந்த முகவரியில் இருந்து இறக்குவது? எப்படி ISO
> imageஐ குறுந்தட்டில் எழுதி நிகழ்வட்டு (live cd) தயாரிப்பது?
> 2. எப்படி disk partition செய்வது? உபுண்டு நிறுவிய பின் எப்படி விண்டோஸ்
> partitionகளை அணுகுவது?
> 3. எப்படி எழுத்துருக்களை நிறுவிக்கொள்வது? பரிந்துரைக்கப்படும் தமிழ்
> எழுத்துரு சோடிகள் யாவை?
> 4. எப்படி மென்பொருள்களை நிறுவிக்கொள்வது?
> 5. உலாவி மற்றும் உரை பதிப்பானில் ஒருங்குறி தமிழ் எழுத்துருக்களை எப்படி
> சரியாகக் காண்பது, தட்டச்சு செய்வது? நிறுவிக்கொள்ள வேண்டிய தமிழ்ப்பொதிகள்
> யாவை? தமிழ் இடைமுகப்பை எப்படி காண்பது?
> 6. விண்டோஸ் மென்பொருள்களுக்கு இணையான உபுண்டு மென்பொருள் தேர்வுகள் யாவை?
> 7. IEல் மட்டும் இயங்கக்கூடிய தளங்களை எப்படி பார்வையிடுவது?
> 8. முனையம் (terminal) என்றால் என்ன? அதை எப்படி அணுகுவது? அதில் இருந்து
> செயற்படுத்தக்கூடிய அடிப்படையான தெரிந்து கொள்ள வேண்டிய கட்டளைகள் யாவை?
> 9. Desktop tips and tricks
> 10. இணையத்தில் உள்ள பிற உபுண்டு தமிழ் மடலாடற் குழுக்கள், குழுமங்கள்,
> வலைப்பதிவுகள், இணையத்தளங்கள் பட்டியல்.
>
> மேற்கண்ட தகவல்களை ஆங்கிலம் நன்கு தெரிந்தும் லினக்ஸ் பயன்பாட்டில் ஆர்வம்
> இருந்தும் தட்டுத் தடுமாறி பல தளங்களைப் படித்து, மயூரன் போன்றோரை பல முறை
> கேட்டு. பல இணையக் குழுமங்களில் துழாவி தான் அறிந்து கொள்ள முடிந்தது. உபுண்டு,
> லினக்ஸ் மீது ஆர்வம் கொண்டு வரும் தமிழ் மட்டும் அறிந்தோரும் இவற்றை அறிந்து
> கொள்ளும் வகையில் உபுண்டு தமிழ் விக்கி தளத்தில் தமிழிலேயே உதவிக்குறிப்புகள்
> தந்தால் நன்றாக இருக்கும். ஒரு புதுப்பயனர் மனதில் முதலில் எழும் கேள்விகளாக
> இவை தான் இருக்கும். இது தொடர்பான சில குறிப்புகள் ஏற்கனவே இருப்பதை அறிவேன்.
> அவற்றை இன்னும் விரிவாகத் தரலாம்.
>
> தமிழ் உபுண்டு மொழிபெயர்ப்பாளர்களுக்கான விக்கி கையேட்டுக்கான விக்கி உதவிக்
> குறிப்புகள்:
>
> 1. இம்மடலாடற் குழுவுக்கான வழிகாட்டல். இந்த மடலாடற் குழு ஒன்று இருக்கிறது
> என்பதை கண்டுகொள்ளவே எனக்கு நாள் பிடித்தது. மொழிபெயர்ப்பாளர்கள் குழுமத்தில்
> இணையும்போதே இம்மடலாடற்குழு குறித்த தெரியப்படுத்தலாம்.
> 2. இது வரை என்னென்ன மொழிபெயர்க்கப்பட்டிருக்கிறது? என்னென்ன சரி பார்க்கப்பட
> வேண்டும்? எப்படி சரி பார்க்கப்பட வேண்டும்? தமிழ் மொழிபெயர்ப்புக் குழுவுக்கான
> கொள்கைகள், அடிப்படை செயல்முறைகள் யாவை? இன்னும் மொழிபெயர்க்கப்பட வேண்டியவை
> யாவை? அக்கோப்புகளை எங்கிருந்து பெறுவது? தமிழாக்கிய பின் யாருக்கு அனுப்பி
> வைப்பது? மொழிபெயர்ப்பில் உதவும் சொற்ப்பட்டியல்கள் யாவை? எங்கிருந்து பெறுவது?
> 3. இது வரை மென்பொருள் மொழிபெயர்ப்பில் ஈடுபடாத தொடக்க நிலை பயனர்களுக்கான
> வழிகாட்டல்கள். எடுத்துக்காட்டுக்கு, po கோப்பு என்றால் என்ன? அதை எங்கிருந்து
> பெறுவது? அதன் பயன் என்ன?
>
> இது போன்ற குறிப்புகளை, ஆங்கிலத்தில் கூட தந்தால் பரவாயில்லை. பழைய மடல்களை
> ஒவ்வொன்றாகப்படித்து நினைவு வைத்துக் கொள்வது, புரிந்து கொள்வது குழுமம் வளர
> வளர சற்று சிரம்மாக இருக்கும். குழு வளர வளர வரும் பயனுள்ள தகவல்களை ஓரிடத்தில்
> வாசிக்க எளிதாய் குவித்து வைக்க வேண்டும். அக்டோபர் 12க்குள் இவற்றை செய்ய
> இயலாவிட்டாலும் அதற்குப் பிறகு அவகாசம் எடுத்து செய்தாலும் பல
> பங்களிப்பாளர்களையும் ஈர்க்க வசதியாக இருக்கும். விரிவான குறிப்புகளாய்
> இல்லாமல் தொடர்புடைய ஆங்கில வழிகாட்டல் பக்கங்களுக்கான இணைப்புகளாக இருந்தால்
> கூட பரவாயில்லை
>
> மற்றபடி விசைப்பலகை பிரச்சினையை என்னால் இயன்ற வரை தெளிவாக சொல்லி இருப்பதாக
> நம்புகிறேன். சீக்கிரம், யாராவது தீர்வு கண்டு உதவுவீர்கள் என்று நம்புகிறேன்
> :)
>
> நன்றி,
> ரவி
>
>
>
>
>
> --
> Ubuntu-l10n-tam mailing list
> Ubuntu-l10n-tam at lists.ubuntu.com
> https://lists.ubuntu.com/mailman/listinfo/ubuntu-l10n-tam
>
>
>


-- 
visit my blog
http://www.mauran.blogspot.com
-------------- next part --------------
An HTML attachment was scrubbed...
URL: https://lists.ubuntu.com/archives/ubuntu-l10n-tam/attachments/20061003/635297b0/attachment.htm 


More information about the Ubuntu-l10n-tam mailing list