[Ubuntu_Tamil] உபுண்டுவில் தமிழ்த் தளங்களை பார்க்க உதவி

Sethu skhome at gmail.com
Sun Oct 1 22:10:56 BST 2006


மயூரன், நீங்கள் கேட்டது

> சேது,
>
> scim இல் தமிழ் 99 விசைப்பலைகை வடிவம் இல்லையா?
>
>

எனது பதில் : சேர்க்க முடியும்

m17n -contrib  பொதியை  பொருத்துவது  மூலம்  m17n-ta-inscript ,
m17n-ta-phonetic மற்றும் m17n-ta-tamil99 ஆகிய 3 விசைப்பலகைகளை
சேர்த்துக் கொள்ளலாம். m17n-contrib நிறுவ முன் அத்தியாவசியமாக
நிறுவப்பட்டிருக்க  வேண்டியவைகள் m17n-db  மற்றும் m17n-lib. மேலும் நாம்
m17n யை scim இன் back-end ஆகவே பாவிக்க வேண்டி உள்ளதால் scim-m17n உம்
நிறுவப்பட்டிருக்க வேண்டும்.

அந்த அடிப்படை m17n நிறுவுகையில், m17n-db மூலம் m17n-ta-itrans
விசைப்பலகையும் சேர்க்கப்படுகிறது. அதாவது m17n மற்றும்  m17n-contrib
நிறுவுவதலால் 4 தமிழ்  விசைப்பலகைகள்  நமக்கு  வருகின்றன.

ஐந்தாவதாக தங்களின் (ஆவரங்கல்) m17n-ta-ava (from  tamilinix at yahoogroups
files section) யையும் சேர்க்கலாம்.

இந்த  5  m17n  வி. பலகைகளும்  ஒலியியல் (phonetic) தன்மையானவை.
m17n-ta-phonetic, m17n-ta-itrans மற்றும் m17n-ta-ava  என்ற மூன்றும்
romanised keyboards எனலாம்.

m17n-ta-inscript, m17n-ta-tamil99 என்பன அவைகளின் பெயர்கள் கூறுவது போல
முறையே inscript, tamil99 விசையமைப்புகளுக்கானவை.

ஆக தங்கள் கேள்விக்கான என் பதில்: உள்ளிடுவதற்கு  தயார் நிலையில்
m17n-ta-tamil99  என்ற தமிழ்99 அமைப்பிலான வி.ப. ஏற்கனவே உள்ளது.

இவைகளை எவ்வாறு பொருத்துவது என்பதை இன்னொரு மடலில் எழுதுகிறேன்.

ஆனால் இம் மடலில் மேலும் சில விபரங்கள் மற்றும் நான் இப்பொழுது தொடங்கும்
புது வாரத்தில் எழுதவுள்ள மடல்கள் பற்றி என் திட்டங்கள் என்பன்
பின்வருமாறு:

இங்கு நண்பர்கள் தமிழ் விசைப்பலககைளை பற்றி கேள்விகளை கேட்கும் முறைகளில்
இருந்து பல தெளிவின்மைகள் உள்ளன என கருதுகிறேன்.

உதாரணமாக தி.வாவின் > "in SCIM there are onluy inscript and phonetic kbd"

உண்னையில் குறிப்பிடப்பட்ட "inscript", "phonetic"  ஆகிய   இரு வி.ப.
க்கள்  scim-tables  back-end  இலிருந்து வருகின்றன.

SCIM framework யின் முன்முகமே (front-end) அதன் scim என்ற daemon - இது
server போன்றது என வாசித்திருக்கிறேன்.  ஒரு விசைப்பலகையின்  முழு
விபரங்களை (data)  scim front end க்கு அளிப்பது அந்த வி.ப. வை
வைத்திருக்கும் scim இன் பின்முகம் (back end).  scim-tables, m17n என்று
இரு பின்முகங்களைப் பற்றி  இம் மடலில்  சில குறிப்புகளை மட்டும்
எழுதியுள்ளேன்.

ubuntu தமிழாக்கம் என்ற உன்னதமான பணியில் தங்களில் பலர்
ஈடுபட்டுள்ளீர்கள். GNU/Linux தளங்களீல் இந்த Ubuntu தான் எனக்கு மிக
பிடித்துள்ளது. முக்கியமாக புதிதாக கற்பவர்களுக்கு இதுதான் மிகப்
பொருத்தம்.

ubuntu தமிழ் குழுமத்தில் உள்ள நாம், முக்கியமாக மேம்பாட்டாளர்கள்,
ஒவ்வொருவரும் தமக்கு பிடித்த விசை பலகை /  முறைமைகளுக்கான
செயல்முறைகளைப்  பற்றி  மட்டுமே  வாசித்து / வினாக்கள் கேட்டு   அறிந்து
கொள்ளுவதனுடன்  மட்டுபடுத்திக்கொள்ளாமல்   எல்லா விதமான விசைப்பலகை
முறைமைகள் / பலகை  வடிவமைப்புகள், நியமங்கள் (standards),  பொருத்தும்
முறைகள், பிரச்சினைகள், பிரச்சினைகளை எப்படி தீர்ப்பது என   பரவலாக,
பன்முகமாக,   பலவற்றிக்கான பின்னணி கோட்பாடுகளையும் அறிந்து, தேவைப்படும்
இடங்களீல்  விடயங்களை விவாதித்தும் நமது இத்துறை பற்றிய நமது அறிவை
மேம்படுத்திக்கொள்வது சாலச் சிறந்தது.

அவ்வண்ணம் நாம் முயற்சி செய்து அதன் விளைவாக "howto" போன்ற கைநூல்களை
தயாரிப்போமேயானால்,  GNU/Linux யில் தமிழ் பாவனை மேம்படுத்தவேண்டும் என்ற
நமது இலட்சியங்களை அடைவதற்கு மிக உதவியாக இருக்கும்.

எனவே இன்று தொடக்கம் அடுத்த சில நாட்களுக்கு முடியுமானவறை நான் அறிந்த
விபரங்கள் பலவற்றை மடல்களாக இக் குழுமத்திற்கு எழுதவுள்ளேன், தமிழிலேயே !

நினைத்திருக்கும் சில விடயங்கள் பின்வருமாறு:

1. இன்று  குறிப்பிட்ட  scim-tables , m17n பற்றி மேலதிக  விபரங்களுடன்
scim  இன்  மற்றைய பின்முகங்கள்  - முக்கியமாக  KMFL  முறை  ( அடியேன்
scim-kmfl க்கு  ஒரு ஒலியியல் மற்றும் ஒரு தமிழ்99  வி.ப. க்கள்
தயாரித்துள்ளேன்)

2.  GNOME  - KDE  தளங்களீல்  உள்ள  வித்தியாசங்கள் -  qt
மென்பொருட்களுக்கு மேலும் அவசியமாகிற skim

 3. தமிழ் 99 சம்பந்தமான தகவல்கள் (அதன் நியமம் - standard சம்பந்தமானவைகள் உட்பட)

4. scim அல்லாத  ஏனைய  முறைமைகள் :  xkb, gtk-im,  iiitmf  ...

நன்றி

~சேது


More information about the Ubuntu-l10n-tam mailing list