[Tradutores-Ubuntu] LoCo Galego

[Felipe Gil Castiñeira]

Ola!

Xa hai tempo que non tiña novas sobre o asunto do LoCo, pero estes días 
houbo un par de cousas interesantes.

Por un lado confirmáronme desde Ubuntu que temos a lista de correo 
aprobada (pero non activada... supoño que son cousas da burocracia). Con 
isto xa teremos o foro [1], a Wiki [2], a canle IRC e a lista.

Para min, un dos obxectivos que debería cubrir o LoCo é o de aglutinar á 
comunidade de usuarios de Ubuntu en galego. O feito de ter os servizos 
espallados en distintos servidores de Ubuntu fai difícil que nos atopen 
os usuarios novos. Para solucionar isto, tiña pensado montar un portal 
principal que fose a "cara" do LoCo (aínda que se seguise apoiando nos 
servidores de Ubuntu). Por falta de tempo non o fixen, pero aquí é onde 
aparece a segunda nova importante.

A xente de Tegnix está comezando a preparar a infraestrutura para crear 
a comunidade de OpenOffice.org galega e ofrécennos a posibilidade de 
preparar tamén a infraestrutura para o LoCo galego. Ademáis, poderíamos 
compartir os eventos e evitar o dobre esforzo de preparar os de 
OpenOffice.org e os nosos.

Persoalmente paréceme unha boa oportunidade para dispoñer de soporte 
técnico, dun servidor e para non ter que montar nós sós os eventos. Non 
obstante gustaríame abrir o debate antes de tomar ningunha decisión (non 
temos moito tempo para dar unha resposta, así que ¡falade axiña!). Tamén 
sería importante saber que eventos (install-fests, participación en 
conferencias, xornadas de difusión, etc.)  poderíamos preparar ao longo 
do ano.

Unha aperta!
     Felipe.


[1] http://ubuntuforums.org/forumdisplay.php?f=356
[2] https://wiki.ubuntu.com/GalicianTeam