[Ubuntu-eg] بخصوص: Ubuntun eg in EED - EED - Egyptian Engineering Day

[M Disha]

انا متطوع معاكم ان شاء الله بس انا مش معايا تيشرت ولسه جديد ف الابنتو


________________________________
 من: Ahmad Raafat <msh.7a2ol at yahoo.com>
إلى: Ubuntu Egypt LoCo Team <ubuntu-eg at lists.ubuntu.com> 
تاريخ الإرسال: الأربعاء 29 أغسطس، 2012‏ 8:09 ص
الموضوع: Re: [Ubuntu-eg] Ubuntun eg in EED - EED - Egyptian Engineering Day
 

اشطة انا راشق بس هى امتا معادها ؟
كمان مستعد انى اكون مسؤل عن التنظيم و لم التبرعات و طباعة التيشيرتات و الفلايرز .
كمان عندى استعداد انى اكتب الفلايرز بس قولولى لمحة عن المحتوى و انا فى خلال كام ساعة هكون مجهزه 


________________________________
 From: Anas Emad <anas.emad at gmail.com>
To: Ubuntu Egypt <ubuntu-eg at lists.ubuntu.com> 
Sent: Monday, August 27, 2012 5:26 PM
Subject: [Ubuntu-eg] Ubuntun eg in EED - EED - Egyptian Engineering Day
 

السلام عليكم
welcome back our team 
intro : 
Egyptian Engineering Day is a shared hub to exchange best-practices and induce new ideas that promote the engineering science and profession in Egypt
https://www.facebook.com/EgyptianEngineeringDay

i will write in arabic plz 

يوم الهندسة المصرى هو الملتقى السنوى لكافة المهندسين المصريين فى مختلف المجالات الهندسية بهدف تبادل الأفكار واكتشاف المواهب ومناقشة القضايا الراهنة فى كافة فروع المعرفة .
يُعقد أثناء هذا الحدث العديد من المؤتمرات و المسابقات بغرض التعرف على التقنيات الحديثة و احتياجات السوق المحلى و الدولى على حد سواء لذلك فإن الهدف من إقامة هذا الحدث يتخطى كونه فرصة جيدة لإيجاد فرص العمل و التعرف على كيفية تخفيض تكلفة البحث العلمى من خلال مشروعات التخرج المعروضة إلى كونه بيئة خصبة لاجتماع الخبراء فى مجال تكنولوجيا المعلومات والاتصالات والمهارات الفنية.


كلكم عارفين ان احنا بنحضر الايفينت ده كاشخاص كل سنة و نفسنا نحضره كفريق أوبنتو صح ؟

انا كلمت و تواصلت مع عمر المختار صديقي من اسكندرية و عضو معانا في الجروب و في فريق
ieee
وصلني بالمسئول في عن الايفينت و اتكلمت معاه 
للاسف السنة ده المشروعات كتير و مفيش اماكن للجمعيات و الفرق التطوعية زينا للاسف :( 

المهم :

اقترحت عليه اقتراحات و وصلنا للاتفاق التالي :

- هنوزع ورق تعريفي بأوبنتو لكل الحاضرين عن طريق مكتب التسجيل الخاص بهم  
- هنتواجد احنا كفريق بالتيشرتات فقط في الايفينت
- يمكن يكون معانا اسطوانات و بعض الهديات و بعض العينيات و نتفاعل بشكل شخصي فردي في الايفينت


بس كده

اقترح التالي:

متطوعين من فريقنا هيكونوا هيحضروا اول يوم و تاني يوم

2-3 كل يوم 
ولو اكتر من كده يبقي ممتاز

- حد يعيد كتابة و تصميم محتوي الورق التعريفي بتاعنا اللي بنوزعه في الايفينتات

- عاوزين نطبع 3000 ورقة 
(محتاجين تبرعات علشان تكلفة فلوس الطباعة)
يمكن نصغر حجم الورقة نختصر الكلام
نعمل مقاس ورقة اصغر و مختصر اكتر 

- اللي هيحضر و مش معاه تيشرت اوبنتو يلحق يقولي علشان نلحق نطبع 

عاوزين نطبع 100-50 استيكر 

هدف أصعب :

نعرف المشاريع المتعلقة بالاوبن سورس و ناخد بيانات تواصل معاهم و نبعت لهم تعريف بينا و بالجروب علي الايميل

و نديه استيكر اوبنتو هدية يلزقه علي البوث بتاعه 

احنا مش هيبقي لينا بوث في الايفينت هيبقي اي مشروع او بوث ليه علاقة بالاوبن سورس هيبقي ليه علاقة بينا و عليه الاستيكر بتاعنا 
:D


أهمية الايفينت :
بيحضروا اكتر من 3 الاف مهندس نشيط ذكي متفتح من كل جامعات مصر
يحضروا طلاب جامعات 
يحضروا مهندسين حديثي التخرج
يحضره مهندسين موظفين لكن متطوعين و نشطاء
يحضره معظم اعضاء ieee 

الهدف : كل الحاضرين يعرفوا عننا
كل الحاضرين يشوفوا التيشرت بتاعنا
ناخد ايميلات و تواصل مع الناس


اتمني 

نعمل شير للينك الايفينت في كل حتة و ننشر الايفينت لكل الناس من كل الاعمار و التخصصات 

نحضر كلنا الايفينت و نتقابل هناك

بحلم باليوم اللي نعمل ايفينت اوبن سورس بالحجم ده قريب ان شاء الله 

انتظر التالي منكم :

1- متطوعين
2- متبرعين بفلوس
3- مصممين علشان الورقة - 
-مش عارف لينك الورقة القديمة فين -


 لو حابين نعمل اجتماع قبلها نتكلم تفصيليلا يبقي اوكي جدا

بس اظن اون لاين اسرع و احسن 

يلا اكشن ورانا شغل كتير قوي الفترة الجاية

-- 
Ubuntu-eg mailing list
Ubuntu-eg at lists.ubuntu.com
Modify settings or unsubscribe at: https://lists.ubuntu.com/mailman/listinfo/ubuntu-eg




-- 

Ubuntu-eg mailing list

Ubuntu-eg at lists.ubuntu.com

Modify settings or unsubscribe at: https://lists.ubuntu.com/mailman/listinfo/ubuntu-eg
-------------- next part --------------
An HTML attachment was scrubbed...
URL: <https://lists.ubuntu.com/archives/ubuntu-eg/attachments/20120829/047b82a6/attachment.html>